Në mëngjesin e së martës, hetuesit specialë arrestuan një të dyshuar për terrorizëm në jug të qytetit të Linzit.

Mediumi austriak Krone Zeitung, njofton se sipas dëshmitarëve përpos burrit të arrestuar, u morën edhe dy gra gjithashtu, por që supozohet se ato janë vetëm dëshmitare – transmeton Reporteri.net.

Sipas informacionit fillestar, personi i arrestuar është një islamist i njohur.

Deri më tash si pasojë e sulmit të përgjakshëm terrorist në Vjenë që dyshohet se ka motive islamike kanë mbetur të vdekur pesë persona, në mesin e tyre edhe Kujtim Fejzullahi me origjinë shqiptare, si dhe janë plagosur 15 të tjerë.

Ministria e Brendshme në Austri konfirmoi disa bastisje shtëpish “rreth autorit të veprës”, me ç’rast disa persona u arrestuan. /Reporteri.net/.