Demokrati Joe Biden aktualisht ndodhet para me vota ndaj Donald Trump, në Kentucky, shtet që tradicionalisht mbështet Republikanët në garën për President. të SHBA-ve.

Përkundër se Republikani Trump sipas rezultateve të para po kryesonte me 67.3% të votave, ndaj Demokratit Joe Biden që ishte dukshëm larg tij me 31.2% të votave, gjerat kanë ndryshuar shpejtë, pas numërimeve tjera.

Aktualisht, me numërimin e 10% të votave totale, Biden ndodhet para Trumpit me një diferencë të ngushtë prej 49.9%, derisa presidenti aktual i SHBA-ve ka rënë në 48.5% të votave, shkruan Reporteri.net.

Shteti i Kentucky nxjerrë 8 vota elektorale.

Trump që për momentin po e humb këtë shtet, edhe pse rezultatet zyrtare po ndryshojnë me të madhe gjatë numërimit të votave, është duke e ruajtur epërsinë në shtetin Indiana.

Por edhe aty me një rënie të lehtë në përqindje.

Trump aktualisht në Indiana renditet i pari më 62.5%, ndërsa Biden me 35.3% të votave, sipas rezultateve të publikuara nga CNN, shkruan Reporteri.net.

Kjo zonë jep gjithsej 11 vota elektorale për president.

Indiana dhe Kentucky janë shtetet e para ku janë mbyllur votimet në SHBA, dhe kanë nisur të publikojë rezultatet në kohë reale gjatë numërimit të votave. /Reporteri.net/.