Bashkëpartiakë të ish-kryeparlamentarit Jakup Krasniqi janë parë te shtëpia e këtij të fundit ku Zyra e Prokurorit të Specializuar ka urdhëruar zhvillimin e një operacioni.

Për një moment gruaja e Jakup Krasniqit ka dalë nga shtëpia ku ka biseduar me zyrtarët e NISMA-s, Bilall Sherifi dhe Skender Reçica, shkruan Reporteri.net.

Bilall Sherifi nga Nisma paraprakisht ka diskutuar me zyrtarë të Policisë së Kosovës, të cilët bashkë me zyrtarë të Policisë së EULEX-it po asistojnë në këtë operacion.

Gresa Krasniqi, vajza e Jakup Krasniqit ka treguar se zyrtarët e Prokurorisë së Specializuar janë duke e intervistuar Krasniqin nga ora 06:30. Ajo ka treguar se Krasniqi po intervistohet në njërën nga dhomat e shtëpisë së tij në lagjen Velania në Prishtinë.