Hashim Thaçi, Kadri Veseli dhe Rexhep Selimi janë larguar nga selia e EULEX-it në Fushë Kosovë.

Ish krerët e UÇK-së janë nisur drejt Aeroportit të Prishtinës, nga ku pritet të udhëtojnë për në Hagë, shkruan Reporteri.

Ata janë të shoqëruar edhe nga veturat e Policisë së Kosovës.

Kujtojmë se sot fillimisht ish-kreu i PDK-së, Kadri Veseli njoftoi se është konfirmuar aktakuza për krime lufte ndaj tij, pasuar nga ish-presidenti Thaçi i cili njoftoi për dorëheqjen nga posti i presidentit.

Thaçi në konferencë njoftoi se në Hagë do të udhëtojë si qytetar i Kosovës dhe jo si president i vendit, çka edhe ka dhënë dorëheqje nga kjo pozitë.

Në Hagë do të udhëtojë edhe ish-kryetari i PDK’së, Kadri Veseli të cilit i është konfirmuar gjithashtu aktakuza nga Specialja.