Laureta Kuleta, vajza 19 vjeçare nga Obiliqi është gjetur pas gjashtë ditësh e zhdukur.

19 vjeçarja po intervistohet në stacionin e policisë dhe ndodhet në gjendje të mirë shëndetësore.

Lajmin për gjetjen e saj e ka konfirmuar për Reporteri.net zëdhënësja e Policisë për rajonin e Prishtinës, Flora Ahmeti.

“Sot rreth orës 16: 00 është gjetur (gjendjen shëndetësore e ka të mirë) vajza e zhdukur ditë më parë në Obiliq. E njëjta aktualisht ndodhet në stacion policor deri në kompletimin procedural të rastit”, konfirmoi Ahmeti për Reporteri.net.

Aktualisht nuk dihet se ku ka qenë gjatë këtyre ditëve e reja nga Obiliqi, po ashtu policia nuk ka treguar nëse e njëjta është dorëzuar në stacionin e policisë apo është gjetur.

Laureta është zhdukur më 3 nëntor dhe nga ajo datë familja nuk ka pasur njohuri për vendodhjen e saj.