Kreu i LDK-së, Isa Mustafa, ka nisur një takim para pak minutash me kreun e AAK-së, Ramush Haradinaj dhe kreun e NISMA-s, Fatmir Limaj.

Këtë e ka konfirmuar zëvendëskryeministri i Kosovës, Besnik Tahiri nga AAK, i cili ka deklaruar se momentalisht është duke u mbajtur një takim ndërmjet partnerëve të koalicionit qeverisës.

“Po i pashë, ishin aty kryetari Mustafa, Haradinaj, Limaj dhe Kryeministri Hoti. Nuk jam i informuar çka po bisedohet, besoj se për zhvillimet politike në vend. Besoj se këto janë temat, por nuk i di detajet. Takimi ka nisur në orën 17:00”, ka deklaruar Tahiri në T7.

Hoti siç duket do të ju bashkohet pas pak. Ai pas përfundimit të mbledhjes së komisionit për të drejtat e njeriut, i pyetur se a do të ketë takim të liderëve nuk ka dashur të flasë.

Ndryshe, kreu i LDK-së, Isa Mustafa, ka folur para pak minutash për zgjedhjen e presidentit të ri.

Ai ka thënë nuk ka një vendim të PDK-së që ata do ta japin kandidatin për president të vendit.

“Vendim i takon LDK-së, ne s’kemi një vendim të PDK-së se a do të bëhet pjesë e këtij procesi. Është parti pas nesh, është partia e tretë, kjo është evidente. Ajo që ka dal në medie, që unë kam thënë se presidenti i takon PDK-së, unë nuk ka thënë në formë eksplicite, por vetëm në bazë të numrit të deputetëve”, tha Mustafa. /Reporteri.net/.