Kosova U-21 është mposhtur me rezultat 1-0 nga Shqipëria U-21

Të dy skuadrat kishin dominimin në njërën pjesë, në të parën Shqipëria luajti më mirë, derisa në të dytën Kosova, shkruan Reporteri.net

Enis Cokaj realizoi golin e vetëm për Kuqezinjtë në minutën e 35-të, ku për mrekulli shënoi me kokë pasr harkimit të Ernest Mucit.

Në pjesën e dytë Kosova u mundua ta barazonte rezultatin dhe kishte disa raste të mira shënimi, por goli nuk erdhi.

Valdrin Mustafa pati rastin më të mirë, por nga afërsia dhe në portën pothuajse të zbrazët e qëlloi shtyllën.

Edhe Arton Zekaj kishte mundësi të mirë shënimi, por goditja e tij përfundoi fare pranë portës.

Kështu, me këtë fitore Shqipëria zë vendin e tretë me 14 pikë, derisa Kosova në vendin e pestë me 9 pikë.

Kujtojmë që ndeshja e radhës e Kosovës U-21 është më 18 nëntor ku luan si mysafire e Turqisë. /Reporteri.net/