Skandal: Polici bën video me telefon në vend se të merret me aksidentin, i filmoi 3 vajzat dhe ia dërgoi një portali

Lajme

Skandal: Polici bën video me telefon në vend se të merret me aksidentin, i filmoi 3 vajzat dhe ia dërgoi një portali

Reporteri

14 Nëntor 2020 | 23:04

Sonte në orët e mbrëmjes ndodhi një aksident në Prishtinë, ku vetura u rrokullis dhe lëndime trupore pësuan tri vajza.

Të tri vajzat janë jashtë rrezikut për jetë, por një medium ka publikuar një video të rëndë pak minuta pas aksidentit, shkruan Reporteri.net

Lexo edhe:

Apeli liron nga akuza nëntë të akuzuarit për dëmtim të buxhetit mbi 2 milionë euro

Arrestohet një person në Mitrovicë, sulmoi fizikisht babanë e tij

Bajrami: ZRRE po i përjashton ndërmarrjet nga shërbimi universal- kriterin për treg të hapur e plotësojnë veç 300 kompani

Ajo video besohet se është bërë nga një polic, e më pas e ka dërguar videon një portali.

Dyshimin se incizuesi është polic, e tregon hija. Aty i vërehet kapelja policit kameraman.

Tutje shihet se personi që ka incizuar shkon aq afër sa duken fytyrat e viktimave, e nuk pengohet nga askush.

Madje, ai shihet se ka qasje në vendin ku mund të kenë vetëm policët.

Duke vazhduar video, shihet një tjetër polic që me dritë mundohet t’i largojë njerëzit akoma, ani pse janë më larg.

Por, kameramanin polic nuk e pengon fare, ani pse kalon ngjitur.

Kujtojmë që kjo nuk është hera e parë që ndodhin raste të tilla, ku policët bashkëpunojnë me këtë medium dhe u dërgojnë video nga aksidente të ndryshme, madje duke harruar detyrën zyrtare që kanë.

/Reporteri.net

Shpërndaje: