Gjatë së dielës policia ka shqiptuar 622 gjoba ndaj personave që nuk respektuan masat për parandalimin e përhapjes së virusit SARS CoV2.

Gjobat janë shqiptuar në bazë të Ligjin antiCOVID-19.

E nga mbrëmja e së premtes në vend kanë hyrë në fuqi masat e reja antiCOVID-19.

Masat, sipas këtij vendimi të Qeverisë do të vlerësohen pas dy jave, varësisht nga situata epidemiologjike në vend, dhe si i tillë vlen deri në një vendim tjetër.

Masat e marra parashohin tri zona të rrezikshmërisë, sipas numrit të të infektuarve nëpër komuna: zona e kuqe me rrezikshmëri të lartë, zona e verdhë me rrezikshmëri mesatare dhe zona e gjelbër e cila ka rrezikshmërinë më të ulët.