Kryetari i PSD-së, Dardan Molliqaj, ka thënë se kryetari i Vetëvendosjes, Albin Kurti, reagoi për arrestimet e krerëve të UÇK-së pasi kishte pakënaqësi brenda VV-së.

Molliqaj thotë se Kurti nuk po jep zgjidhje edhe pse po deklaron se duhet të shpëtohet UÇK-ja.

“Ai e ka mvesh vetën me petkun e shpëtimtarit. Kurti e pa se ka një tension të brendshëm elektoral në VV, sepse nuk ndërroi asgjë brenda VV’së. Ka elementë brenda VV’së që nuk janë pajtuar me qëndrimin që e ka pasur VV për arrestimin e krerëve të UCK’së. Kjo për shkak se ekziston një krah brenda VV’së që Kurti po mundohet ta shukatë. Por ai do t’i rehatojë me pozita”, shtoi Molliqaj në t7.

Molliqaj ka thënë se Kurti nuk mund ta mbrojë as Thaçin e të tjerët që janë në Hagë, pasi sipas tij ka një botëkuptim të rrezikshëm.