Një numër i madh i qytetarëve kanë mbetur duke pritur për t’u testuar para Institutit Kombëtar të Shëndetit Publik.

Instituti nuk ka njoftuar zyrtarisht nëse sot do të ketë apo jo testime, por qytetarët thonë se një punonjës i këtij institucioni iu ka thënë se sot s’do të kryhen testime.

Ndërkohë, postimi i fundit i IKSHPK-së në faqen zyrtare është urimi për 28 Nëntorin.

Kjo nuk është hera e parë që qytetarët ankohen se të dielën IKSHPK nuk po kryen testime.