Arb Manaj nuk di të ndalet në Turqi, pasi shënoi dopietë me Ankara Keciorengucu një javë më parë, talenti kosovar ka gjetur përsëri rrugën e rrjetës.

Manaj i ka dhënë avantazhin skuadrës së tij ndaj Adana Demirspor në minutën e 26’, me një super gol dhe njëherit me këtë gol ka përfunduar edhe e gjithë ndeshja, duke i dërguar kështu kryeqytetasit në pozitën e parë të renditjes tabelare në Ligën e Parë, transmeton Gazeta Sheshi.

Pas një pasimi të marrë, sulmuesi bën një lëvizje shumë të bukur, duke e ngritur topin mbi kokën e dy kundërshtarëve dhe pasi i nxjerr ata jashtë loje, gjuan fort me të majtën dhe topi ndalet në fundin e rrjetës.

Manaj vazhdon të shkëlqejë në Turqi, teksa në 6 ndeshje të zhvilluara, ka shënuar 6 gola dhe ka dhënë 2 asiste.