Lëvizja Vetëvendosje është duke fituar pa balotazh komunën e Podujevës.
Kandidati i saj, Shpejtim Bulliqi, është duke prirë me 50.06% të votave nga 90% e vendvotimeve të numëruar sipas TV Dukagjinit, i cili thirret në burimet brenda KQZ-së, shkruan Reporteri.net.
Nexhmi Rudari i LDK-së ka marrë 36.04% të votave, kurse Naim Fetahu ka marrë 12.09% të votave.
Edhe deputetja e Vetëvendosjes, Albulena Haxhiu, ka shkruar pak minuta më parë në Facebook se kandidati i tyre, Shpejtim Bulliqi, ka fituar pa balotazh.
Nëse këto rezultatet do të mbeten deri në fund, kur kanë mbetur edhe 10% e vendvotimeve të numërohen, atëherë Shpejtim Bulliqi nga VV do të shpallet kryetar i Podujevës për mandatin e mbetur, pasi këto ishin zgjedhje të jashtëzakonshme pasi që Agim Veliu la postin e kryetarit për ta marrë pozitën e ministrit të Punëve të Brendshme.
/Reporteri.net/.