Zv.kryeministri e Kosovës, Albulena Balaj-Halimaj, ka kritikuar qeverisjen e Lëvizjes Vetëvendosje në Prizren.

Ajo përmes një postimi në Facebook ka shkruar se nga 2017-ta kur VV erdhi në pushtet e deri më 2019, pa llogaritur 2020, migrimi në këtë qytet është rritur 400%, shkruan Reporteri.net.

Balaj-Halimaj thotë se VV para se të kritikojë të tjerët, siç thotë duhet të japë llogari për qeverisjen e keqe dhe të dëmshme në Prizren.

Postimi i saj:

Nga 2017 që nga koha kur mori pushtetin Vetvëndosje në Prizren, e deri më 2019 (pa të dhëna për 2020) sipas Agjensisë së Statistikave të Kosovës, migrimi në Prizren është rritur mbi 400% në raport me sa ishte në vitin 2016!

Nëse për largimin e qytetarëve nga komuant tjera përgjegjëse janë partitë tjera që janë në pushtet, atëherë poaq përgjegjëse për migrimin e qytetarëve nga Prizreni është Vetëvendosja! Prandaj para se VV të kritikoj të tjerët duhet dhënë llogari për qeverisjen e keqe dhe të dëmshme që ka pasur në Prizren!

Para se të flas për komunat tjera VV duhet t’ua merr komunarëve të saj Prizrenin dhe t’ua kthejë qytetarëve, e që për këtë do t’i ndihmojmë përsëri ne.