Fundjava ka nisur me një lajm të kobshëm për komunitetin sportiv në vendin tonë, teksa është larguar nga kjo botë, ish-futbollisti legjendar i Klubit Futbollistik “Prishtina”, Shefqet Sinani.

Sinani ishte pjesë e ekipit të gjeneratës së artë në vitet e 80-ta, teksa ishte një mbrojtës i shquar i klubit kryeqytetas në Ligën e Parë Federative të ish-Jugosllavisë shkruan Reporteri.

Ky lajm ka prekur gjithë komunitetin sportiv dhe më së shumti ish-bashkëlojtarët e tij. Vëllezërit Fadil dhe Xhevdet Muriqi, si dhe Sahit Kelmendi kanë dërguar një telegram ngushëllimi tejet emocionues për ndarjen nga jeta të shokut të tyre.

E nderuara familje Sinani dhe miq, shokë e bashkëlojtarë të Shefqet Sinanit,

Me dhimbje të thellë kuptuam lajmin se shoku dhe bashkëlojtari ynë shumëvjeçar paska ndrru jetë prandaj pranoni ngushëllimet tona të thella për vdekjen e tij të parakohshme me shpresë se do të gjeni forcën e mjaftueshme me e përballu dhimbjen e madhe!

Me dhimbje dhe respekt, ish-shokët dhe bashkëlojtarët e Shefqetit, Fadil Muriqi, Xhevdet Muriqi dhe Sahit M. Kelmendi. /Reporteri.net/