Një i ri  i komunitetit ashkali ka rrëfyer përballjen e tij të dhimbshme me diskriminimin në Kosovë. 

Mentori ka thënë se përballet me diskriminimin kudo, në rrugë, kafe, taksi e autobus, shkruan Reporteri.

Ai ka rrëfyer një rast kur shoferi i një taksie i ka kërkuar para shtesë, duke thënë se përndryshe nuk do ta lejojë të brenda.

E njëjta gjë i ka ndodhur edhe në kafenetë e Kosovës, ku nuk është lejuar të ulet me arsyetimin se është e nxënë. Krejt këto për shkak të ngjyrës së tij.

Në fund të rrëfimit të tij, Mentori shpreson që fjala “maxhup” të zhduket një herë e përgjithmonë. /Reporteri.net