Presidenti i Republikës Ilir Meta, i është rikthyer çështjes së kthimit të ligjit të buxhetit të shtetit sot, ku ka theksuar se ai nuk është i barabartë për të gjithë punonjësit e administratës.

Meta thekson se gjendja ekonomike e punonjësve të administratës publike do të keqësohet, edhe për shkak të Covid-19.

“Për 71% të punonjësve të administratës publike nuk do ketë rritje të pagës. Niveli i tyre i jetesës do përkeqësohet për shkak të kostove shtesë nga Covid-19”, shkruan Meta.

Dekreti i Metës për buxhetin e shtetit pritet që këtë javë të merret nga Kuvendi për shqyrtim. Kreu i grupit parlamentar të PS-së, taulant Balla, deklaroi se do të rivotohet sërish ligji duke hedhur poshtë dekretin e Presidentit./Gazeta Shqip