Vjosa Osmani nuk do t’i ftojë partitë politike për çështjen e zgjedhjes së presidentit

Lajme

Vjosa Osmani nuk do t’i ftojë partitë politike për çështjen e zgjedhjes së presidentit

Reporteri

14 Dhjetor 2020 | 17:21

Këshilltari i U.D së presidentit, Faton Peci, ka thënë se Vjosa Osmani asnjëherë nuk ka thënë se do t’i ftojë subjektet politike për çështjen e zgjedhjes së presidentin.

Përmes një postimi në rrjetin social Facebook, Peci ka thënë se Osmani e ka bërë të qartë qëndrimin se presidenti i ri duhet të derivojë nga zgjedhjet e reja dhe Parlamenti i ri, shkruan Reporteri.net.

Ndërkohë edhe nënkryetarja e Kuvendit nga radhët e Lëvizjes Vetëvendosje, Arbërie Nagavci, ka thënë se nuk kanë pranuar ndonjë ftesë nga ushtruesja e detyrës së presidentit, Vjosa Osmani në lidhje me çështjen e presidentit.

Lexo edhe:

Nga nesër rrebeshe shiu dhe rrufe, temperaturat bien drejt fundjavës

EULEX’it i vazhdohet mandati teknik, Osmani ia kërkon Kallasit të gjitha dokumentet nga koha kur kishte mandat ekzekutiv

Osmani uron Laura Fazliun për medaljen e bronztë: Vazhdon ta mbajë flamurin e Kosovës lart në arenat më të mëdha...

Ky është postimi i plotë i Pecit:

Sqarim,

Sot një gazetar, gjatë konferencë për shtyp të nënkryetares se kuvendit, ka bere pyetje me sugjerimin se u.d Presidentja ka thëne se do t’i ftojë subjektet politike për çështjen e zgjedhjes se presidentit. Siç konfirmohet ne intervistën për RTK, ajo ASNJËHERË nuk ka thënë se do ti ftojë subjektet për TEMËN E PRESIDENTIT. Përkundrazi, e ka bërë të qartë qëndrimin e saj se Presidenti duhet të derivojë nga zgjedhjet e reja dhe Parlamenti i ri, ndërkaq ka paralajmëruar se do të ftojë liderët politikë për të diskutuar për çështjen e pandemisë dhe çështjen e dialogut.

/Reporteri.net

Shpërndaje: