Dy punëtorë janë lënduar sot në zonën e Korporatës Energjetike të Kosovës.

Këtë e ka konfirmuar zëdhënësi i këtij institucioni Skënder Bucolli., duke treguar se të dy janë jashtë rrezikut për jetë.

Ai ka thënë se njëri nga punëtorët është i lënduar në kokë dhe do t’u nënshtrohet disa fotografimeve radiologjike.

Kurse për punëtorin tjetër ka thënë se ka pësuar lëndime në njërin gju.

Ndryshe lëndimet e punëtorëve të KEK-ut, nuk janë të rralla duke pasur parasysh punën e vështirë që bëjnë.