Analisti Rron Gjinovci dhe anëtari i PSD-së, Zgjim Hyseni, ka kritikuar liderin e VV-së pasi nuk është përfshirë në ngjarjet që kanë ndodhur në Shqipëri.

“Albini po hesht. Pse nuk flet për ngjarjet e fundit dhe t’i mbështes protestat. Ai flet për bashkim. Tani është koha”, tha ai.

Edhe Hyseni është pajtuar me këtë mendim.

“Në protestat e studentëve shkoi në Tiranë dhe u takua me ta. U takua edhe me Sali Berishën e Ilir Metën. Tani ai po heshtë.”, tha ai në emisionin Pressing në T7.

Vrasja e Klodian Rashës nga efektivi i policisë shkaktoi tension dhe protesta në vend.

Prej 6 ditësh qytetarët protestojnë në kryeqytet dhe jo vetëm, pasi edhe vende të tjera i janë bashkuar zërit të protestuesve me thirrjet “Drejtësi për Klodianin”.