Lideri i Lëvizjes Vetëvendosje, Albin Kurti, ka pritur sot në takim nënkryetarin e Komunës së Mitrovicës, Faruk Mujkën.

Takimin e ka konfirmuar vetë Mujka, i cili ka publikuar një fotografi në rrjetin social Facebook, ku shihet bashkë me Kurtin, kryetarin e Podujevës, Shpejtim Bulliqin dhe kryetarin e Prizrenit, Mytaher Haskukën shkruan Reporteri.net.

Ani pse Kurti vazhdimisht deklaron se me ardhjen e partisë së tij në pushtet nuk do të ketë punësime me librezë partie, është pikërisht Mujka i cili pak kohë më parë punësoi nusen e djalit dhe gjashtë aktivistë të VV-së.

Përmes një konkursi për disa vende pune në Teatrin e Mitorvicës, u rehatua në pozitën e kostumografes nusja e djalit të Mujkës, Elda Ahmeti Mujka.

Nga pozita me kontrata mbi vepër, ata janë pozicionuar në pozita të përhershme në këtë institucion kulturor.

E Mujka sipër fotografisë ka shkruar se “Rradhët tona dita ditës po shtohen, zgjerohen e forcohen.”

Sidoqoftë, këto nuk janë punësimet e vetme që kanë ndodhur nga dega e Albin Kurtit në Mitrovicë. Kohë më parë, është raportuar për disa manipulime në konkurset e Drejtorisë së Arsimit gjatë kohës sa drejtor ishte Egzon Jashari. Këto shkelje sollën disa gjoba për Jasharin, e raportimet sollën edhe shkarkimin.

Ky është postimi i tij i plotë:

/Reporteri.net