Jose Mourinho po tenton që të rikthejë Luka Modricin te Tottenham Hotspuri qysh në afatin kalimtar të janarit.

Ish-fituesin i Topit të Artë kishte kaluar katër vite te Spurs, duke u transferuar më pas te Real Madridit.

Sipas asaj që raporton El Chiringuito, trajneri portugez ka kontaktuar Modricin për ta bindur që të rikthehet te Tottenhami.

Lojtari është aktualisht në bisedime me Los Blancos për të rinovuar kontratë për një vit, e që ai kërkon së paku dy.

Shkaku i moshës së tij, Real Madridi nuk mund t’i ofrojë atij një kontratë më shumë se njëvjeçare, e Spurs mund të përfitojnë nga këtu, duke i ofruar për dy vite.