Kreu i AAK-së, Ramush Haradinaj ka reaguar pas grabitjeve të shumta që u raportuan në Kosovë gjatë ditëve të fundit.

Haradinaj ka thënë se ky është një alarm për institucionet e sigurisë.

Ai u ka bërë apel institucioneve të sigurisë që të jenë në krye të detyrës dhe të kapin përgjegjësit për grabitjet e fundit.

Haradinaj ka thënë sy këto institucione duhet të punojnë më shumë për parandalimin e kësaj dukurie .

“Askush nuk mundet ta rrezikojë situatën e sigurisë në vend. Rastet e fundit të grabitjeve dhe vjedhjeve janë alarm për institucionet e sigurisë.
I bëj apel të gjitha institucioneve të sigurisë që si çdoherë të jenë në krye të detyrës e të japin provimin duke ndjekur dhe kapur këta kriminelë, por edhe të punojnë më shumë në parandalimin e kësaj dukurie.
Për festat e fundvitit bashkë me familjarët dhe bashkatdhetarët tanë që vijnë në Kosovë, duhet të jemi të qetë”, ka shkruar Haradinaj.