Një nga më të moshuarat e Uellsit, Mary Keir 108-vjeç, ka marrë vaksinën anti-Covid.

E moshuara e cila më parë ka punuar infermiere ka qenë një ndër të parat që ka marrë vaksinën Pfizer-BioNTech në shtëpinë e kujdesit Awel Twyi në Llandeilo, Carmarthenshire.

“Isha vërtet e lumtur qe mora vaksinën. Ne kemi pritur që ajo të jetë gati. Falënderoj Zotin për njerëzit që kanë qenë në gjendje ta sigurojnë atë për ne. Ne jemi shumë me fat. Tani ndihem shumë më e sigurt dhe më e lumtur ” – tha ajo.

Keir ka punuar si infermiere n në Spitalin Llandough në Cardiff, gjatë dhe pas Luftës së Dytë Botërore.

Kjo është përvoja e saj e dytë e një pandemie pasi ajo është përballur edhe me shpërthimin e gripit spanjoll në 1918.