Një aksident trafiku ka ndodhur në orët e mbrëmjes në Veternik, rrugën Prishtinë-Ferizaj. 

Në këtë aksident janë përfshirë dy vetura, ndërsa kanë mbetur të lënduar 5 persona.

Këtë e ka konfirmuar për Reporteri.net Agron Borovci.

“Sot në ora 19:00, kemi pranuar informatën se në rrugën Prishtinë-Ferizaj, ka ndodhur aksident komunikacioni rrugor, ku kanë qenë të përfshira dy automjete. Si pasojë e aksidentit lëndime trupore kanë pësuar 5 persona”, ka deklaruar ai.

Borovci ka thënë se personat e lënduar janë dërguar për tretman mjekësor, ndërkohë që me rastin po merret njësiti i trafikut. /Reporteri.net/.