Gjykata Kushtetuese e Republikës së Kosovës sipas burimeve të Gazetes Express ka nxjerrë aktgjykimin për ankesën e Lëvizjes Vetëvendosje lidhur me votën e deputetit, Etem Arifi, e cila ishte vendimtare për krijimin e Qeverisë së drejtuar nga Avdullah Hoti.

Vendi do të shkojë në zgjedhje brenda 40 ditësh, meqë Gjykata Kushtetuese ka konstatuar që vota e deputetit, Etem Arifi, pro krijimit të Qeverisë Hoti, ka qenë e pavlefshme.

Pas këtij lajmi kanë reaguar nga Vetëvendosje që kanë “shpërthyer” në gëzim duke thënë se deri në mbajtjen e zgjedhjeve do të kalojnë 51%.

Nënkryetarja e Kuvendit të Kosovës nga Lëvizja Vetëvendosje, Arbërie Nagavci, ka thënë se paramendo çfarë përqindje do të arrijnë deri në mbajtjen e zgjedhjeve të reja.

“51% aktualisht, paramendo pas 40 dite”, ka shkruar Nagavci në Facebook.

Kurse Adnan Rrustemi zyrtar nga VV ka thënë se deri pas 45 ditësh, VV do të rritet në 61%.

“45 ditë nga sot janë të gjata për të mbetur 51%. Deri atëherë 61% është numër real”, ka shkruar ai në Facebook.