Ushtruesja e detyrës, Vjosa Osmani, ka nisur takimin me deputetin e PDK-së, Memli Krasniqi.

Osmani dhe Krasniqi pritet të diskutojnë për datën e zgjedhjeve, dhe pas takimit përfaqësuesi i PDK-së pritet t’i drejtohet medieve, shkruan Reporteri.net.

Para këtij takimi Osmani ka takuar kryetarin e VV-së, Albin Kurti, por ky i fundit ka thënë se nuk kanë biseduar për një datë të mundshme të zgjedhjeve të reja.

Kurse Arban Abrashi që ishte në takim me Osmanin, ka thënë se si datë e mundshme është 7 shkurti për mbajtjen e zgjedhjeve të reja.

Pas takimit me Memli Krasniqin, u.d. e presidentes do ta presë në takim edhe Besnik Tahirin nga AAK.