Misioni i OSBE-së në Kosovë ka reaguar pas sulmit fizik që i është bërë gazetarit dhe kryeredaktorit të Gazetës Metro, Valon Syla.

Përmes një postimi në rrjetin social Twitter, OSBE dënon sulmin dhe i bashkohet thirrjes drejtuar autoriteteve që ta hetojnë rastin dhe të ndjekin penalisht personat që janë përgjegjës, shkruan Reporteri.net.

“Misioni i OSBE dënon sulmin ndaj Valon Sylës, kryeredaktor i Gazeta Metro. E drejta për të punuar pa kërcënim të dhunës duhet të garantohet dhe e drejta për lirinë e mendimit dhe shprehjes duhet të respektohet nga të gjithë. Misioni bashkohet me AJK në thirrjen e autoriteteve për të hetuar sulmin ndaj Syla dhe për të ndjekur penalisht ata që janë përgjegjës”, thuhet në reagim.

The OSCE Mission condemns the attack on Valon Syla, editor-in-chief of @GazetaMetro.

The right to work free from the threat of violence should be guaranteed and the right to freedom of opinion and expression should be respected by all.https://t.co/HNPnvPIsRy

— OSCE Kosovo (@OSCEKosovo) December 22, 2020

Në rrjetet sociale kanë dalur pamjet e para, ku shihet se si gazetari Syla sulmohet nga një person me grushte.

Ky sulm fizik ndaj gazetarit Syla vjen pas shkrimeve të tij lidhur me fluksin e madh të mërgatës që kanë ardhur në Kosovë gjatë këtyre ditëve.

/Reporteri.net