Një reagim skandaloz për sulmin fizik ndaj gazetarit Valon Syla e ka bërë në facebook Liridon Dervishaj, dhëndri i ish-kryeministrit Ramush Haradinaj.

Ka shkuar aq larg, sa përveç se ka shfaqur ngazëllim për pamjet tronditëse që u panë sot në qendër të Prishtinës, sipas Dervishajt liri e shprehjes janë edhe grushtet, shkruan Reporteri.net.

“Liri e shprehjes eshte edhe kjo me [simbole me grushte]”, ka shkruar Dervishaj në facebook, duke e ilusturar pjesën tjetër me ‘emotikoni’ me grushte.

Sulmi që sot shokoi vendin, ndaj gazetarit Valon Syla, ndodhi pak ditë pasi gazetari kritikoi diasporën, përmes facebook’ut.

Para se të sulmohej fizikisht, Valon Syla kishte qenë cak i linçimeve në media sociale.

Sulmuesi, një bashkatdhetar nga Zvicra, doli të jetë vëllai i një zyrtari të lartë të PDK’së. Fjala është për Bashkim Jupen, vëllai i shefit të hetimeve në ATK, Bekim Jupa.

Ky është vëllai nga Zvicra i ish-zëvendësministrit të PDK’së që kreu sulmin fizik ndaj gazetarit Valon Syla

Për sulmin ndaj Valon Sylës, përveç gazetarëve kanë reaguar, e, e kanë dënuar edhe një pjesë e politikanëve. Por jo edhe kreu i AAK’së Ramush Haradinaj, shkruan Reporteri.net.

Si për ironi, Haradinaj, dhëndri i të cilit po legjitimon sulmin fizik ndaj Sylës, po sot njoftoi se ka pritur në zyrën e tij një grup mërgimtarësh. /Reporteri.net/.