Zlatan Ibrahimovic ka folur për kohën kur ishte i infektuar me Koronavirus

Sulmuesi i Milanit ka thënë se qëndrimi në një vend për të ishte shumë i vështirë, shkruan Reporteri.net

Ibra u infektua me Covid gjatë këtij viti, por e kaloi pa pasur ndonjë problem shumë të madh.

“Kur u testova pozitiv, isha goxha i qetë, gati i intriguar: oh, dua të shoh se çfarë është ky Covid. Qëndrova i izoluar gjatë gjithë kohës, në shtëpi, i mërzitur; nuk mund të dilja, nuk mund të stërvitesha mirë. Qëndrimi në një vend është i tmerrshëm,” ka thënë Ibra.

“Në një moment nisa të flas me muret e shtëpisë. Koronavirusi bëhet një fakt mendor. Ia ngul sytë vetes dhe imagjinon të gjitha të këqijat mbi ty, madje edhe ato që nuk i keni. Një dhimbje për atë që ndjen dhe për atë që mendon se ndjen,”. /Reporteri.net/