Kryetari i Istogut, njëherit edhe nënkryetar i Lidhjes Demokratike të Kosovës, Haki Rugova, ka zbuluar dy nga emrat e mundshëm për bartës të listës zgjedhore në zgjedhjet e jashtëzakonshme.

Pas mbledhjes së kryesisë së LDK-së, Rugova ka thënë se kryeministri aktual në detyrë, Avdullah Hoti, mbetet një nga mundësitë për kandidim nga LDK-ja, raporton T7 – transmeton Reporteri.net.

Rugova tha se nesër Hoti do t’ua paraqes planin për shkuarjen në zgjedhje edhe kryetarëve të degëve të partisë.

Sipas Rugovës edhe ish-ministri i Infrastrukturës në Qeverinë Kurti, Lumir Abdixhiku, mund të jetë njëri ndër kandidatët potencial për kryeministër.

Pas mbledhjes së kryesisë së LDK-së, brenda pak ditësh pritet të bëhet publik emri i kandidatit për kryeministër.

Gjykata Kushtetuese, me shpalljen e aktvendimit për votën e Etem Arifit si të jashtëligjshme, ka kërkuar që vendi të shkojë në zgjedhje qendrore.