Tre zyrtarë policor janë lënduar teksa tentonin të shpëtonin një qytetar i cili kishte hipur në kulmin e një ndërtese dhe tentonte të hidhej.

Lajmi është bërë i ditur nëpërmjet raportit 24 orësh të Policisë së Kosovës.

Personi i dyshuar sipas policisë është dërguar për trajtim psikiatrik.

Njoftimi i policisë pa ndërhyrje:

Raportohet se tre zyrtar policorë janë lënduar gjatë kryerjes së detyrës duke intervenuar për të shpëtuar personin mashkull kosovar. I njëjti kishte hipur mbi kulmin e një ndërtese dhe dyshohej se tentonte që të kërcej.

Zyrtarët policor në bashkëpunim me ekipin e zjarrfikësve kishte arritur që ta ndalojnë dhe deri sa e kanë futur nën kontroll i dyshuari i kishte sulmuar zyrtarët policor të cilët kanë marrë tretman mjekësor, ndërsa i dyshuari është dërguar në klinikë për trajtim psikiatrik.