Presidenti i Turqisë, Recep Tayyip Erdogan, namazin e xhumasë, të parin për vitin 2021, e fali në Xhaminë e Madhe Ajasofja (Ayasofya-i Kebir Cami-i Şerifi).
Erdogan shoqërohej nga ministri i Drejtësisë i Turqisë, Abdülhamit Gül, kreu i Drejtorisë së Komunikimeve të Presidencës së Turqisë, Fahrettin Altun, dhe Guvernatori i Stambollit, Ali Yerlikaya.
Namazi i parë në Xhaminë e Madhe Ajasofja u fal më 24 korrik, pas plot 86 viteve.
Rreth 350 mijë myslimanë morën pjesë në namazin e xhumasë brenda dhe jashtë xhamisë historike në Stamboll.
Më 10 korrik, Gjykata e Lartë Administrative turke anuloi një dekret të kabinetit të vitit 1934 që e ktheu Ajasofjen në muze, veprim i cili i hapi rrugën përdorimit të saj si xhami.
Përveç se është një xhami, Ajasofja po ashtu është ndër destinacionet kryesore të turizmit në Turqi dhe do të mbetet e hapur për vizitorët vendas dhe të huaj.
https://www.youtube.com/watch?v=ThIEttdoFWA&feature=emb_title
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
