Shpërthimi i një bombole gazi brenda një restoranti në Ferizaj ka lënë 42 persona të lënduar, deri më tani.

Viktimat kanë pësuar lëndime të ndryshme trupore dhe të paktën 14 nga ta kanë marrë djegie të shkallës së dytë.

Në mesin e personave që kërkuan ndihmë mjekësore janë edhe dy fëmijë.

Nga shpërthimi i fuqishëm pësoi dëme të mëdha materiale restoranti ku ndodhi incidenti si dhe lokalet përreth.

E në Express është publikuar edhe një video ku shihet një grua me shpinë të djegur teksa nxirret nga lokali.