Eros Grezda duket se po vazhdon spiralen që e ktheu nga një prej talenteve më premtues të futbollit shqiptar, në një lojtar i cili aktualisht e ka të vështirë të gjejë hapësira edhe në kampionatin kroat të futbollit.
Futbollisti i cili për një sezon provoi të ishte pejsë e Rejnxhërs në Skoci, duket se është pranë largimit edhe nag Osijek.
Sipas mediave kroate, futbollisti i përfaqësueses shqiptare nuk është më i mirëpritur te klubi i tij, i cili i ka bërë të ditur që të kërkojë menjëherë sistemim të ri. Kështu, përfaqësuesit e lojtarit po gjejnë një sistemim të ri për futbollistin ofensiv, në mënyrë që ai të vazhdojë karrierën e tij.
Në Kroaci bëjnë të qartë se për Grezdën për momentin ka interes nga Holanda dhe Koreja e Jugut, por nuk bëhen të ditur emrat e ekipeve që duan lojtarin.
Kthimi i Grezdës te Osijek nuk ishte aq i suksesshëm sa pretendonte lojtari.
Sikur të mos mjaftonte forma jo optimale në fushë, ai u bë protagonist edhe i ngjarjeve të shëmtuara jashtë fushe, teksa sulmoi fizikisht në parkingun e stadiumit një kundërshtar dhe mori një ndëshkim model për këtë ngjarje.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
