Aksionet e Twitterit ranë deri në 12% gjatë ditës së djeshme, pasi kjo kompani e mediave sociale mbylli përfundimisht llogarinë e Presidentit Donald Trump gjatë javës së kaluar.

Rënia e çmimit të aksioneve shkaktoi humbi  5 miliardë dollarë në vlerën e tregut, pasi aksionet totale të Twitter ranë deri në 12% sipas raportimit Businessinsider.com, transmeton Reporteri.net.

Gjatë javës së kaluar, Twitter mbylli llogarinë e Trumpit, e cila kishte rreth 88 milionë ndjekës, pasi presidenti në largim përmes disa postimeve nxiti mijëra mbështetës të tij që të shkaktojnë trazira në Kongres.

Sipas raportimeve, aksionet e Twitter ka të ngjarë të bien edhe më shumë sepse investitorët mendojnë se ndalimi i Trumpit mund të bëjë që përdoruesit ose të humbasin interesin për platformën ose ta lënë atë plotësisht.

Shumë mendojnë gjithashtu se kjo ishte një lëvizje e motivuar politikisht nga Twitter për të heshtur një zë konservator. /Reporteri.net