Policia e Kosovës, ka arrestuar disa aktivistë të Parisë Socialdemokrate, të cilët kishin organizuar një aksion simbolik para Policisë.

Qëllimi i këtij aksioni të PSD-së, ishte kundërshtimi i vendimit për t’i dënuar qytetarët për mos respektim të masave anti-Covid, ndërsa që partive politike po ju lejohet mbajtja e takimeve para fushatës duke mos respektuar masat.

Në pamjet e publikuara, shihet se aktivistët e PSD-së janë arrestuar dhe aksioni i tyre nuk është lejuar të vazhdojë.

Në pamje shihet edhe kreu i kësaj partie, Dardan Molliqaj.

Gjatë muajve të fundit, aktivistët e PSD-së ishin arrestuar disa herë për shkak të aktiviteteve të tyre. /Reporteri.net