U.d. e presidentit, Vjosa Osmani, është takuar me Presidentin e Parlamentit Europian, David Sassoli.

Osmani thotë se në këtë takim me Sassolin, është diskutuar lidhur me tejkalimin e Kosovës në procesin e integrimit evropian.

Ajo thotë se ka ritheksuar përkushtimin e Kosovës për të kryer reformat e nevojshme të cilat janë në interes të qytetarëve tanë.

“Në takim me Presidentin e Parlamentit Evropian, z.David Sassoli, kishim diskutime të frytshme lidhur me tejkalimin e sfidave në rrugën e Kosovës në procesin e integrimit evropian. Ritheksova përkushtimin e Kosovës për të kryer reformat e nevojshme të cilat janë në interes të qytetarëve tanë”, ka shkruar Osmani.

Sonte në mbrëmje, Osmani do ta ketë një takim edhe me emisarin e BE-së për dialogun Prishtinë-Beograd, Miroslav Lajçak.