Një 25 vjeçar u arrestua në Tiranë nën akuzën e tentativës së përdhunimit ndaj një 13 vjeçareje.

Ismal Xhaferi u prangos nga policia menjëherë pas denoncimit të familjarëve të adoleshentes, e cila pretendonte se ai e rrëmbeu dhe e çoi në hotel për të kryer akte seksuale.

Por, sipas 25 vjeçarit ky pretendim nuk është i vërtetë. Ai pohon se e ka ftuar vajzën në makinë dhe e ka çuar në hotel, por kurrsesi se ka tentuar ta dhunojë.

Përpara hetuesve ai është shprehur se kur mësoi se ishte e mitur i ka kërkuar të largohet.

“Me vajzën nuk kam abuzuar seksualisht. Me pëlqente si fizik dhe e ftova në makinë. Erdhi me dëshirën e saj. Kur shkuam në hotel e pyeta për moshën dhe kur e mësova se ishte e mitur i thashë të largohej.”-ka deklaruar i riu.