Robert Lewandovski shënon disa arritje të tjera statistikore në karrierën e tij.

“Bomberi” polak i Bajern Mynihut shënoi sot kundër Shalke 04 golin e 500-të në karrierë duke u bërë i katërti futbollist në aktivitet që arrin një shifër të tillë.

Yjet e tjerë që e kanë kaluar këtë shifër janë Lionel Messi, Cristiano Ronaldo dhe Zlatan Ibrahimovic.

32-vjeçari vendosi dhe dy rekorde të tjerë në Bundesligë. Ai bëhet futbollisti i parë që shënon në 8 ndeshje radhazi jashtë fushe të kampionatit gjerman si dhe në 11 përballje radhazi me Shalken, ai ka arritur të gjejë rrugën e rrjetës.