Kreu i qeverisë Edi Rama do të mbledhë sot drejtuesit socialistë të qarqeve.

Ndërkohë ky takim do të ketë në fokus zgjedhjet e 25 prillit, ku drejtuesit e qarqeve do të dorëzojnë një raport për zhvillimin e fushatës dhe do të raportojnë mbi ecurinë e përgatitjes së zgjedhjeve.

Mësohet se takimi do të nisë rreth orës 08:30 në selinë e PS-së. Kujtojmë që mbledhja e Ramës me drejtuesit e qarqeve ka qenë e përjavshme, por për disa javë nuk u zhvillua.

Partia Socialiste kërkon të marrë mandatin e tretë në këto zgjedhje.