Një 30-vjeçar në Tiranë është arrestuar për posedim të lëndëve narkotike, ndërsa janë proceduar penalisht edhe dy persona të tjerë për moskallëzim krimi.

Endrit Murrani u vu në pranga pasi u kap nga policia në rrugën “Ymer Kurti” me 67 doza kokaine.

Po ashtu, gjatë kontrollit që iu bë automjetit të tij, u gjetën një shumë lekësh që dyshohen se janë të përfituara nga shpërndarja e lëndës narkotike dhe 1 aparat celular.

Këto të fundit u sekuestruan bashkë me automjetin.

Ndërsa, penalisht në gjendje të lirë u proceduan E. G. dhe E. Gj., pasagjerë në mjetin e 30-vjeçarit, pasi dyshohen se kishin dijeni të aktivitetit të tij dhe nuk e kanë kallëzuar.