Ramush Haradinaj kujton bashkëluftëtarët e rënë

Lajme

Ramush Haradinaj kujton bashkëluftëtarët e rënë

Reporteri

27 Janar 2021 | 19:13

Kryetari i Aleancës për Ardhmërinë e Kosovës (AAK), njëherësh edhe kandidat për President, Ramush Haradinaj përkujtoi sot heronjtë e Zonës Operative të Dukagjinit, të brigadës 131, 132 dhe 133 që kanë qenë bashkëluftëtarë të tij në këtë zonë.

Haradinaj theksoi se fundi i Janarit të acartë të vitit 1999, ishin disa prej ditëve më tragjike të Luftës Çlirimtare, ai tha se shumë burra që njohu në vijat e frontit, u përjetësuan gjatë tentimit që të sjellin armët e lirisë.

“Sa herë do të rrëfejmë për heroizmin e tyre, do të kujtojmë betejat, do të kujtojmë Urën në Bishtazhin, Ujzin, Godenin e Rugovën e Hasit.”, shkroi ai.

Lexo edhe:

Sërish lëkundje toke në Shqipëri

Çfarë rrezikon Kosova në mungesë të institucioneve të reja?

Kurti mbledh Qeverinë në detyrë, s’bëhet i ditur rendi i ditës

Haradinaj tha se do t’i kujtojë me dhembje e krenari emrat e atyre që u flijuan për lirinë e vendit, duke mos harruar edhe ata të cilët u flijuan në tentim për të strehuar luftëtarët e plagosur.

“Ata frymëzuan luftën tonë për liri deri në fitore. Lavdi e përjetshme!”, shkroi kreu i AAK-së në Facebook.

Kujtojmë se, më 27, 28 dhe 29 janar 1999 kanë rënë dëshmorë një pjesë e djemëve të Brigadave të Zonës Operative të Dukagjinit, të brigadës 131, 132 dhe 133 që kanë qenë bashkëluftëtarë të komandanit zonës Ramush Haradinja si dhe disa bashkëluftëtar të shtabit të përgjitshëm, të cilët kanë tentuar të marrin armë në Shqipëri, kohë e cila ka qenë shumë e rëndëshishme për Ushtërinë Çlirimtare Kosovës (UÇK), që të furnizohet me armatim.

Shpërndaje: