Një qytetar shqiptar ka mbetur i bllokuar nga bora me kamionin e tij në Mal të Zi. Ai ka qëndruar për tri ditë resht pa ngrënë e pa pirë dhe nuk është ndihmuar nga askush, derisa pas tri ditësh është takuar nga disa të rinj që i kanë ofruar diçka për të ngrënë e për të pirë, shkruan Reporteri.net.

Ai i dëshpëruar dhe me lot në sy u  lutet autoriteteve shqiptare që ta tërheqin nga vendi ku ka mbetur i bllokuar.

“Pashë të madhin Zot ju thuj të më vijnë të më tërheqin. Kam tri ditë  këtu, kam për të vdekë këtu. A janë njerëz a s’janë? Merren me shtet këto punë. I thërras logjistikës së Tiranës. As s’ don me ditë njeri.”, lutet ai në një video që e ka publikuar faqja Kosovo 24 sata.