Kandidati për president të Kosovës, Ramush Haradinaj ka uruar shkrimtarin shqiptar me famë botërore me rastin e 85 vjetorit të lindjes, Ismail Kadare.

Kreu i AAK-së tha se si shqiptarë jemi me fat që e kemi shkrimtarin e përmasave botërore, që me fuqinë e fjalës, e bëri të njohur të vërtetën dhe të drejtën e Kosovës.

“Urimet më të përzemërta gjeniut të letrave, Ismail Kadare, në 85-vjetorin e lindjes, duke i dëshiruar jetë të gjatë e shëndet, si dhe plot suksese të mëtejme në krijimtarinë e tij”, shkroi Haradinaj në faqen e tij në Facebook.