Teatrot në të gjitha komunat kosovare e kanë ndryshuar terminin e shfaqjeve.

Shkak për këtë është muaji i Ramazanit.

Por me shtyrjen e shfaqjeve nuk po pajtohen të gjithë.

Regjisori Ben Apollonoi thotë se shtyrja e shfaqjeve për shkak të Ramazanit është një ide e keqe, sepse thotë se teatri është institucioni kulturorë më i rëndësishëm në një qytet e shtet.

“Nëse vazhdohet kështu do të kërkohet që në Ramazan të mos punohet asgjë, çka nuk është mirë”, thotë Apolloni, për Klan Kosova, shkruan Reporteri.net.

Ndërsa drejtori i Teatrit “Adriana” në Ferizaj, Fatmir Hyseni thotë se ndërrimi i orarit të shfaqjeve ka ndodhur për shkak të audiencës që është më e ultë gjatë këtij muaji në orën 20:00.