Ballkani ka njoftuar se ka arritur marrëveshje me dy futbollistë të rinj, që do ta ndihmojnë klubin në stinorin pranveror.

Gjatë fazës përgatitore në Antalya klubi nga Suhareka ka arritur marrëveshje me futbollistin Arbër Shala, i cili luan në pozitën mbrojtës/anësor i majtë.

Klubi nga i cili është transferuar Arbëri është KF Renova nga Maqedonia e Veriut, ndërsa në të kaluarën ka mbrojtur edhe ngjyrat e skuadrave ngaKosova.

Gjithashtu, është arritur marrëveshja me portierin nga Mali i Zi, Damir Ljuljanovic, i cili ka përvojë ndërkombëtare, ndërsa klubi nga i cili është transferuar në FC Ballkani është FK Decic nga Mali i Zi.