Kosova dhe Izraeli  në një ceremoni virtuale kanë zyrtarizuar njohjen e ndërsjellë, shkruan Reporteri.net.

Ministri i Jashtëm i Izraelit, Gabi Ashkenazi e ka quajtur historike marrëveshjen e arritur sot, gjersa ka shtuar se kjo është mundësia që të përmirësohen marrëdhëniet mes dy vendeve.

Ai ka falënderuar Amerikën, për rolin e saj në nënshkrimin e marrëveshjes në Uashington që pasoi me njohjen e Izraelit.

“Sot po e bëjmë historinë dhe për këtë dua të falënderoj Shtetet e Bashkuara. Izraeli dëshiron një Ballkan stabil. Marrëveshja e nënshkruar në Uashington i kontribuon kësaj. Shpresojmë që dialogu mes Kosovës dhe Serbisë do të vazhdojë”, u shpreh ai ndër të tjera.

Dy ministritë kanë nënshkruar memorandum edhe për konsultime politike dhe memorandum për bashkëpunim zhvillimor.

Njohja nga Izraeli është arritur me nënshkrimin e marrëveshjes ekonomike me Serbinë në Washington, më 4 shtator 2020. /Reporteri.net