Një operacion i madh është organizuar nga EUROPOL në të cilin janë përfshirë policitë e shumë vendeve europinae dhe jo vetëm.

Në pranga kanë rënë 105 persona të kombësive të ndryshme, mes tyre dhe shqiptarë, të cilët kanë vejdhur mbi 12 milion euro nga bankat në SHBA.

Gjatë operacionit janë bërë 40 bastisje shtëpish, janë arrestuar 37 të dyshuar (2 në Austri, 11 në Greqi, 23 në Spanjë dhe 1 në MB) dhe u sekuestruan 14 makina luksoze. Veprimet pasuese çuan në ngrirjen e 87 llogarive bankare me vlerë 1.3 milion €.

 Rezultatet e përgjithshme:

– 105 të dyshuar të arrestuar

– 88 bastisje shtëpish

– Mbi 12 milion euro dëm

– 87 llogari me më shumë se 1.3 milion €, të bllokuara

– 406 000 euro të sekuestruara cash

– 14 automjete luksoze

– 19 urdhër-arreste evropiane

SKEMA

Organizata kriminale, e formuar kryesisht nga shtetas grekë, krijoi kompani guaskë në Shtetet e Bashkuara dhe hapi llogari bankare për këto kompani. Për të fituar besimin e institucioneve financiare, anëtarët e rrjetit kriminal bënë transferime në llogaritë me bazë në SH.B.A. nga vende të ndryshme në BE.

Bazuar në këtë besim, bankat me bazë në Amerikë lëshuan karta debiti dhe krediti për këto llogari. Biznese për shitje me pakicë, të përfshirë në mashtrim, shumica e të cilëve ishin në Spanjë, përdorën kartat e pagesave për të financuar shumat e kredituara të disponueshme në karta. Për të pastruar fondet e vjedhura, ata i transferuan ato në llogari të ndryshme bankare, në pronësi të anëtarëve të rrjetit kriminal të vendosur në disa vende të BE-së.

Më shumë se 50 institucione financiare amerikane u bënë viktima të këtyre aktiviteteve mashtruese duke humbur mbi 12 milion €.

OPERACIONI

Një operacion ndërkufitar i koordinuar nga Europol dhe i udhëhequr nga Policia Kombëtare Spanjolle (Policía Nacional) dhe Shërbimi Sekret i SHBA rezultoi në çmontimin e një grupi të krimit të organizuar të përfshirë në mashtrim dhe pastrim parash. Operacioni përfshiu gjithashtu shërbime policore nga Austria, Danimarka dhe Greqia si dhe Departamenti i Drejtësisë i SH.B.A. dhe Rrjeti i Zbatimit të Krimeve Financiare të SHBA (FinCEN).