Qeveria e Kosovës në mbledhjen e mbajtur të enjten ka ndarë 70 mijë euro për shënimin e trembëdhjetë vjetorit të Pavarësisë së Kosovës.

Po ashtu Qeveria në mbledhjen e mbajtur online, ka miratuar vendimin e themelimit të Këshillit Organizativ për këtë ngjarje.

“Për punën e Këshillit Organizativ për shënimin e trembëdhjetë vjetorit të Pavarësisë së Republikës së Kosovës ndahen mjete financiare në vlerë prej 70. 000 (shtatëdhjetëmijë) euro.

Qeveria e Republikës së Kosovës ka miratuar në mbledhjen e sotme vendimin për themelimin e Këshillit Organizativ për shënimin e trembëdhjetë vjetorit të shpalljes së Pavarësisë së Republikës së Kosovës.

Këshilli Organizativ për shënimin e trembëdhjetë vjetorit të Pavarësisë do të ketë këtë përbërje:

1. Ministrja e Kulturës, Rinisë dhe Sportit, kryesuese;

2. Përfaqësues, Ministria e Mbrojtjes, anëtar;

3. Përfaqësues, Ministria e Punëve të Jashtme dhe Diasporës, anëtar;

4. Përfaqësues, Ministria e Punëve të Brendshme, anëtar dhe

5. Përfaqësues i Zyrës së Kryeministrit, anëtar;

Ftohen që të dërgojnë nga një përfaqësues në Këshill:

1. Përfaqësues, Zyra e Presidentit, anëtar;

2. Përfaqësues, Kuvendi i Republikës së Kosovës, anëtar;

3. Përfaqësues, Komuna e Prishtinës, anëtar;

4. Kryetarët e Organizatave të dala nga Lufta e UÇK-së, anëtar;

5. Kryetari i Asociacionit të Komunave të Kosovës, anëtar dhe

6. Përfaqësues të OJQ-ve.

Për punën e Këshillit Organizativ për shënimin e trembëdhjetë vjetorit të Pavarësisë së Republikës së Kosovës ndahen mjete financiare në vlerë prej 70. 000 (shtatëdhjetëmijë) euro”.